Listaxe de fontes

O Concello de Pontevedra, a través do Laboratorio do Servizo Municipal de Augas – Viaqua S.A.U, realiza os controis analíticos da auga dos mananciais das 186 fontes públicas catalogadas no municipio.

Segundo a lexislación vixente, Real Decreto 3/2023 de 10 de xaneiro, considérase que un auga é “Non apta para consumo humano” cando algún dos parámetros analizados supera ou incumpre os valores lexislados.

Sinala tamén que as augas de consumo humano deberanse desinfectarse, xa que o feito de dispor dun baixo nivel de desinfectante residual que aporta unha garantía sanitaria. Polo tanto, aínda que os resultados no control esporádico realizado polo Concello indiquen que non presenta contaminación e os parámetros analizados cumpran coa lexislación, isto non é dabondo para establecer unha garantía sanitaria nestas augas ao non estar desinfectada.

Os parámetros analizados son o color, turbidez, condutividade, pH, nitritos. nitratos, amonio, clostridium perfringense, bacterias coliformes totais, escherichia coli, enterococos e outros parámetros en función das características particulares da auga.

As fontes contan coa sinalización de fontes correspondente atendendo o Real Decreto 3/2023 de 10 de xaneiro polo que se establecen os criterios sanitarios da calidade da auga de consumo humano e a instrución GC-13T-02-01-08 de sinalización das fontes públicas. A instrución marca tanto o contido como o grafismo a poñer nos carteis.

No cartel instalado ademais incluíuse os datos do nome da fonte e parroquia a que pertence. Tamén dispón dun código QR, enlace para trasladarnos directamente coa páxina web da información da fonte.